सचिवबाट सदस्यमा राख्न खोजेपछि बैतडीकी चन्दले दिइन् राजिनामा
२७ बैशाख २०८०
संवाददाता
299
बैतडी– राष्ट्रिय युवा संघ नेपालकी केन्द्रिय सचिव बिष्णा चन्दले राजीनामा दिनुभएको छ ।
आफूमाथि अपमान भएको भन्दै उनले पदबाट राजीनामा दिनुभएको हो । नेपालगञ्जमा भएको अधिवेशनबाट महिलातर्फको सचिव बनेकी बैतडीकी चन्दले आफूलाई अहिले आएर सदस्यमा राख्न खोजेपछि राजीनामा दिएको बताउनुभयो । आफूमाथि महिला भएकै कारण अपमान भएको उहाँको भनाई छ ।
कुनैपनि किसिमका अपमान स्वीकार्य नहुने उल्लेख गर्दै उनले पदबाट राजीनामा दिएको पत्रमा उल्लेख छ ।
आफूले २०६४ सालदेखि संघको विभिन्न जिम्मेवारी निभाउँदै यहाँसम्म आइपुगेको जनाउँदै सचिवबाट पदाधिकारी सरह भनेर सदस्यको व्यवहार गरिएपछि राजीनामा दिनु परेको पत्रमा उल्लेख गर्नुभएको छ ।
लामो समय देखि राष्ट्रिय युवा संघ नेपालमा रहेर कुशलतापूर्वक जिम्मेवारी वहन गरेपनि आफूलाई अपमान गरिएको उहाँले गुनासो गर्नुभयो ।
उहाँले राष्ट्रिय युवा संघका केन्द्रिय अध्यक्षलाई राजीनामा पत्र बुझाउनुभएको हो ।
