भारतबाट घर फर्किरहेका एक युवक बैतडीको झुलाघाटस्थित होटलमा मृत फेला
१५ आश्विन २०८०
संवाददाता
610
बैतडी– बैतडीमा एक जना मृत फेला परेका छन् । जिल्लाको दशरथचन्द नगरपालिका वडा नम्बर ८ स्थित नेपाल–भारत सीमामा पर्ने झुलाघाट बजारको बोहरा होटेलभित्र ३३ वर्षिय युवक मृत फेला परेका हुन् ।
मृत फेला पर्नेमा बझाङको छबिस पाथिभेरा गाउँपालिका वडा नम्बर ७ बुडखोरिका हिक्मत धामी रेहको जिल्ला प्रहरी कार्यालय बैतडी प्रहरी प्रवक्ता प्रहरी निरीक्षक योगेश खत्रीले बताउनुभयो ।
भारतको अलमोडबाट काम गरेर घर फर्किएका धामी राति बोहरा होटेलमा बास बसेको बताइएको छ ।
बास बसेका युवक राति साढे २ बजेको समयमा होटेलको माथिल्लो तलाको कोठामा मृत अवस्थामा फेला परेका प्रहरी प्रवक्ता खत्रीले बताए ।
मृत्युको कारण खुलेको छैन् । घटनाबारे थप अनुसन्धान भइरहेको प्रहरीले जनाएको छ ।
