बैतडी– बैतडीमा बसको ठक्करबाट जात्रा हेरेर घर फर्किदै गरेकी एक महिलाको मृत्यु भएको छ ।
दशरथचन्द राजमार्ग अन्तरर्गत जिल्लाको दशरथचन्द नगरपालिका– १ गुरुखोला विद्यालय गेट नजीक महाकाली यातायातको सु प प्र ०२००१ ख १०१७ नम्बरको बसले ठक्कर दिदा स्थानीय भागरथी लुहारको घटनास्थलमै मृत्युु भएको जिल्ला प्रहरी कार्यालय बैतडीका डीएसपी दिपक रायले बताउनुभयो ।
देहिमाण्डौँ मेला हेरी घर फर्कीदै गरेकी महिलालाई सतबाँज बाट देहिमाण्डौ जादै गरेको बसले ठक्कर दिएको हो । बस प्रहरीको नियन्त्रणमा हरेको रायले बताउनुभयो । बस चालक पनि सम्पर्कमा रहेको उहाँले बताउनुभयो ।
घटनाको बिरोधमा स्थानीयहरूले चक्काजाम गरेका छन् । पीडित पक्षसँग छलफल गरि राजमार्ग खुलाउने प्रयास भइरहेको प्रहरीले जनाएको छ ।
