डडेल्धुरा : अमरगढी नगरपालिका २ चालिसे मोड नजिकबाट ०.४९५ किलोग्राम लागू औषध चरेश जस्तो देखिने कालो पदार्थ सहित वर्ष ४३ को कमल गुरुङलाई शुक्रबार दिउँसो प्रहरीले पक्राउ गरेको छ ।
आवश्यक प्रक्रिया पुरा गरि उक्त पदार्थ र मोटरसाईकल थान १ सहित निजलाई पक्राउ गरेको र यस सम्बन्धमा थप अनुसन्धान भईरहेको जिल्ला प्रहरी कार्यालय डडेल्धुराले जनाएको छ ।
बिशेष सूचनाको आधारमा जिल्ला प्रहरी कार्यालय डडेल्धुरा र प्रहरी चौकी बागबजार,डडेल्धुराबाट संयुक्त रुपमा खटिएको प्रहरी टोलीले चेकजाँच गर्दा निजले प्रयोग गरेको से ७ प ३६१५ नम्बरको मोटरसाईकलको दाहिने लेकगार्डमा झुण्डाई लुकाई छिपाई राखेको अवस्थामा उक्त पदार्थ फेला पारेको थियो ।
