बैतडी : नेपाली कांग्रेस बैतडीले पञ्चेश्वर–पुर्चौंडी दैलो अभियानको शुभारम्भ गरेको छ । पञ्चेश्वर गाउँपालिकाबाट अभियानको शुभारम्भ गरिएको हो ।
नेपाली कांग्रेसको संगठनलाई बलियो बनाउने, कांग्रेसका नेता, कार्यकर्ताहरुलाई सक्रिय बनाउने र पार्टीलाई चलायमान बनाउन, नयाँ सदस्यता वितरण, विकास निर्माण सम्बन्धी अन्तरकृया, प्रारम्भीक प्रशिक्षण गर्ने उद्देश्यले अभियान सञ्चालन गरिएको नेपाली कांग्रेस बैतडीका सभापति चतुर बहादुर चन्दले बताउनु भयो ।
शिवनाथको सुल्लेखानमा शनिबार बसेको जिल्ला कार्यसमितिको नियमित बैठकले आइतबारदेखि अभियानको शुभारम्भ गर्ने निर्णय गरेअनुसार आजदेखी अभियानको शुभारम्भ गरिएको हो ।
अभियान अन्तर्गत प्रत्येक वडामा उद्देश्य अनुसार कार्य गर्दै दशवटै पालिकाका सबै वडाहरुमा १२० दिन दैलो अभियान सञ्चालन गरिने नेपाली कांग्रेस बैतडीले जनाएको छ ।
