बैतडी– बैतडीमा भीरबाट लडेर एक युवतीको मृत्यु भएको छ ।
पुर्चौंडी नगरपालिका–२ बन्तोलीकी २७ वर्षीया मञ्जु कामीको मृत्यु भएको प्रहरीले जनाएको छ ।
खर ल्याउन वनतर्फ गएकी कामीले बाटोमा जंगली बँदेल देखेपछि डराएर भाग्ने क्रममा भीरबाट खस्दा उनको ज्यान गएको बताइएको छ ।
उनीसँग खरघाँस लिन गएका उनका छोराको अवस्था भने सुरक्षित रहेको बताइएको छ ।
मञ्जुका तीन छोरी र एक छोरा छन् । उनका श्रीमान रोजगारीका लागि भारतको बेङ्गलोरमा बस्दै आएका छन् ।
