काठमाण्डौ – यूईएफए च्याम्पियन्स लिगको क्वार्टरफाइनल ’ड्र’ सार्वजनिक भएको छ । स्विट्जरल्यान्डको नियोनमा आज क्वार्टरफाइनल ’ड्र’ सार्वजनिक भएको हो ।
’ड्र’ अनुसार म्यान्चेस्टर सिटी र रियल मड्रिडबीच फेरि एक पटक प्रतिस्पर्धा हुने भएको छ । गएको संस्करणको सेमिफाइनलमा सिटीले मड्रिडलाई समग्रमा ५–१ ले हराउँदै पहिलो पटक उपाधि जितेको थियो । यसपालि यी दुईको भेट क्वार्टरफाइनलमै भएको हो । मड्रिडले १४ पटक उपाधि जितिसकेको छ ।
क्वार्टरफाइनलकै अन्य खेलमा पीएसजी र बार्सिलोना, एथ्लेटिको मड्रिड र बोरुसिया डर्टमन्ड, आर्सनल र बार्यन म्युनिखबीच प्रतिस्पर्धा हुने भएको छ । क्वार्टरफाइनलको पहिलो लेग अप्रिल ९ र दोस्रो लेग अप्रिल १६ मा हुनेछ ।
