बैतडी- बैतडीको पाटन नगरपालिका–९ स्थित सिद्धेस्वर मावि हुक्केडाडाले स्थानीय ज्येष्ठ आमाहरुलाई सम्मान गरिएको छ । मातातीर्थ औँसीको अवसरमा बुधबार एक कार्यक्रमको आयोजना गर्दै गाउँका २८ जना ज्येष्ठ आमाहरुलाई सम्मान गरिएको सिद्धेस्वर नमुना मावि हुक्केडाडाका विद्यालय व्यवस्थापन समितिका अध्यक्ष प्रेम सहि भाटले बताउनुभयो।
वडा न. ९ स्थित विद्यालय सेवा क्षेत्रभित्रका ६८ वर्ष उमेरमाथिका २८ जना ज्येष्ठ आमाहरुलाई सम्मान गरिएको समितिका अध्यक्ष भाटले बताउनुभयो। सम्मान कार्यक्रममा विद्यालय व्यवस्थापन समितिका अध्यक्ष प्रेम सिंह भाट, विद्यालयका प्रद्यानाध्यापक गणेश प्रशाद भट्ट, विद्यालयका शिक्षकहरु, अभिभावक र विद्यार्थीहरुले सयुक्तरुपमा आमाहरुलाई फलफुल बितरण सहित टिका लगाउदै दोसल्ला ओडाएर सम्मान गरिएको अध्यक्ष भाटले बताउनुभयो।
हरेक नागरिकले आमाहरुलाई माया र सम्मान गर्नुपर्नेमा विद्यार्थीहरुको भावनात्मक विकास होस भन्ने उदेश्यले आमा सम्मान कार्यक्रमको आयोजना गरिएको बताइएको छ । यस्तै सिद्धेस्वर नमुना माविले शैक्षिक कार्यक्रमसँगै विभिन्न अतिरिक्त क्रियाकलापका कार्यक्रमलाई पनि निरन्तरता दिदै आइरहेको छ ।
