बैतडी– शहिद दशरथचन्दको जन्मघर बैतडीमा आज र भोली साहित्य उत्सव तथा अन्तराष्ट्रिय काव्य गोष्ठिको आयोजना गरिएको छ ।
आज र भोली दशरथचन्द नगरपालिका–५ बस्कोटस्थित सहिद दशरथचन्दको जन्म घरमा काव्य गोष्ठि आयोजना गरिएको हो ।
दशरथचन्द नगरपालिकाको प्रर्वधन, शहिद चन्दको स्मृति प्रतिष्ठानसंगको सहकार्यमा राष्ट्रियता अभियान बैतडी दशरथचन्द साहित्य उत्सव तथा अन्तराष्ट्रिय काव्य गोष्ठि आयोजना गरिएको राष्ट्रियता संरक्षण अभियानका अध्यक्ष हेमबाबु लेखकले बताए ।
सो उत्सवमा नेपाल ललित कला प्रज्ञा प्रतिष्ठानका कुलपति नारदमणि हार्तम्छालीको प्रमुख आतिथ्यता तथा नेपाल–भारतका २ सय जना साहित्यकारहरुको उपस्थिति रहेको उनले बताए ।
आज र भोली दुई दिनसम्म सञ्चालन हुने सो कार्यक्रममा सिवभिन्न विषयमा वक्ताहरुसंग छलफल, कार्यपत्र प्रस्तुत, रचना वाचन, सम्मान अर्पण लगायतका सत्रहरु गरिने बताइएको छ ।
सो साहित्य उत्सवमा भारतका सिक्किम, दार्जिलिङ, राजस्थान अल्मोडा, पिथौरागढ, महारष्ट्र लगायतका ठाउँबाट साहित्यकारहरुको उपस्थिति रहेको छ भने नेपालको पुर्वदेखि पश्चिमसम्मका विभिन्न स्थानबाट साहित्यकारहरुको उपस्थििति रहेको लेखकले बताए ।
