बैतडी– परिवारको जोहो गर्न्र भन्दै मजदुरी गर्न घरबाट भारको पिथौरागढ गइरहेका बैतडीका एक जना बाटोमै मृत भेटिएका छन् ।
जिल्लाको पञ्चेश्वर गाउंपालिका वडा नम्बर १ सन्तोलाका २३ वर्षीय तेज बहादुर चन्द मृत फेला परेका हुन् ।
उनीसहित ३।४ जना घर खर्च चलाउनका लागि रोजगारी गर्न भनेर भारतको पिथौडागढस्थित ओड्डा जाने भन्दै घर बाट हिंडेका थिए ।
तर उनी भारत नपुग्दै वडा नम्बर ४ चौँडलीमा मृत फेला परेको बताइएको छ ।
उनी आज विहान मृत फेला परेको जिल्ला प्रहरी कार्यालय बैतडीले जनाएको छ ।
उनी संगै रहेका सन्तोलाकै २ जनालाई प्रहरीले सोधपुछ गरिरहेको बताइएको छ ।
प्रत्यक्षदर्शिका अनुसार मृतक चन्दलाई चोटपटक समेत लागेको छ ।
कुटपिट गरेर हत्या गरेको आशंका परिवारको छ ।
