बैतडी– बैतडीको दोगडाकेदार गाउँपालिका– ४ लट्काली गाउँमा खानेपानीको चरम अभाव हुन थालेको छ । खानेपानीका लागि एउटै न्वालोमा भर पर्ने यहाँका स्थानीय पछिल्लो समय न्वालोमा पनि पानी कम हुन थालेपछि समस्यामा परेका हुन् ।
यहाँका करिब ३० घरधुरीले खानेपानीको समस्या भोगिरहेको स्थानीय देवसिंह ठगुन्नाले बताउनुभयो । उहाँले भन्नुभयो ‘खानेपानीको समस्याका लागि वडा र पालिकालाई आग्रह गरेका छौँ तर अहिले सम्म खानेपानीको समस्या समाधान हुन सकेको छैन् । बनाउछौँ भने आश्वासन दिएका छन् ।’
अहिले यहाँका स्थनीयले पालो कुरेर न्वालाबाट पानी उपभोग गरिरहेका छन् । गाउँपालिकाको एक घर एक धारा अभियानले आफुहरुलाई अहिलेसम्म छुन नसकेको स्थानीयको गुनासो छ ।
