बैतडी- करेन्ट लागेर मृत्यु भएका १२ वर्षीय बालक बसन्त बोहराको परिवारलाई साढे ६ लाख क्षतिपुर्ति दिने सहमति पछि खोड्पे बझाङ जोड्ने जयपृथ्वीबहादुर राजमार्ग संचालनमा आएको छ ।
बालकको मृत्यु भएपछि हिजो दिउँसो साढे ४ बजेदेखि घटनाको पूर्ण जिम्मेवारी विद्युत वितरण केन्द्रले नै लिनुपर्ने माग सहित स्थानीयले राजमार्ग अबरुद्ध गरेका थिए । पीडित पक्षसंगको सहमति पछि राजमार्ग संचालनमा आएको हो । अबरुद्ध सडक खण्ड गएराती २ बजेदेखि खोलिएको हो । मृतक बालको परिवारलाई क्षतिपुर्ती बाफत पाउने ५ लाख र विद्युत कार्यालयले थप डेढ लाख सहित साढे ६ लाखको सहमतीपछि अबरुद्ध सडक खुलाइएको प्रहरीले जनाएको छ ।
विद्युत वितरण केन्द्रले लाईन विस्तारमा लापरवाही गरेर तानिएको तारमा छोइनगई बालकको मृत्यु हुनगएको भन्दै पीडितले विद्युत वितरण केन्द्रलाई आरोप लगाएका थिए । उक्त घटनामा सिगास गाउँपापलिका ९ बाच्पानी बस्ने दिपक बोहराका १२ वर्षीय छोरा बसन्त बोहराको शुक्रबार दिउँसो घरनजिकैको जंगलमा बाख्रा चराउन गएका बेला भुई नजिकैबाट तानिएको तारमा छोइनगई करेन्ट लागेर मृत्यु भएको हो ।
घटनाबारे छानबिन समिति बनाउने विद्युत वितरण केन्द्र बैतडीका प्रमुख जनार्दन पौडेलले बताए ।
