अछाम– धनगढीबाट अछामका लागि उडेको समिट एयरलायन्सको विमानले आकाशमा तिन फन्का लगाएर अवतरण भएको छ ।
अछामको साँफेबगर विमानस्थलमा गिद्धले सिनो खाइरहेको देखेपछि विमान अवतरण हुन नसकेको बताईएको छ । कम्तिमा १५:२० मिनेट आकाशमै घुमेर अवतरण गरिएको समिट एयरलायन्सका प्रतिनिधि विजय कुंवरले बताउनुभयो ।
आज विहान धनगढीबाट उडेको विमान आकाशमै ३ फन्का लगाएपछि अवतरण भएको हो । प्रहरीको सहयोगमा गिद्ध धपाइएपछि विमान अवतरण गरिएको उहाँले बताउनुभयो ।
