धनगढी- कैलालीको धनगढीमा होटेल सञ्चालन गरिरहेका अछामका एक जना लागूऔषधसहित पक्राउ परेका छन् ।
अछामको चौरपाटी गाउँपालिका–१ घर भई हाल धनगढी बसपार्क स्थित प्रियंका होटेल सञ्चालन गरिरहेका होटेल संचालक ३६ वर्षीय विजय साउँद पक्राउ परेका हुन्।
उनी धनगढी उपमहानगरपालिका–४ बसपार्कबाट ३ ग्राम ३८० मिलिग्राम लागूऔषध (खैरो हेरोइन)सहित पक्राउ परेका हुन् ।
आइतवार जिल्ला प्रहरी कार्यालय कैलालीबाट खटिएको प्रहरी टोलीले पक्राउ गरेको हो।
