कोइला बालेर सुत्ने बानी छ ? याद गर्नुहोस ! डाक्टर सिजनले देखेको एउटा घटना

साँझ ६ बजे खाना खाएर तीनै बच्चा सुतीसकेहोला भनेर आमा फोन चलाउनमा व्यस्त थिइन् । चिसो लागेपछि फोन चलाएकै धुनमा कोइला बालेर झ्यालडोका बन्द गरिएको रहेछ । करिब ८ बजेको हुँदा हो, ८ वर्षको कान्छो छोराले बान्ता ग¥यो र चक्कर लाग्यो भनेर एक्कासी ढल्यो । आमा अत्तालिइन स्यानु भनेर चिच्चाउन थालिन् । अरु छोराहरुलाई बोलाउदा उनिहरुपनि बोलेनन् आमा छाँगाबाट खसेझै भइन् । हेर्छिन त अरु दुई छोरा पनि बेहोस थिए । एक्कासी होहल्ला भयो । गाउँका मान्छेहरु जम्मा भए । घरमा कोलाहल मच्चीयो । झ्याल ढोका खोलेर बेहोस बच्चाहरुमो मुख र टाउको मा पानी छम्कीनुबाहेक उनिहरुसंग केही विकल्प थिएन् ।

१०(१५ मिनेट पछि बल्ल तीनै जना होसमा आए, अनि गाउँलेकाे सल्लाहमा अस्पताल दौडीए । तिनै बच्चाहरु अहिले सुरक्षित छन् । तर यदि कान्छो छोराले बान्ता नगरेको भए, आमालाई समेत थाहा हुन्थेन, त्यो घरमा अप्रिय घटना घट्नसक्थ्यो । ठुलो कालबाट त्यो परिवार बच्यो । अहिले परिवार सबै सकुसल छ । जाडो सबैलाई हुन्छ तर हिटर, कोइला लगायतका तातो बनाउने साधनहरु बालेर ढोका बन्द गरि सुत्नाले भोलिका दिनमा अप्रिय घटना नघट्ला भन्न सकिन्न् । त्यसैले सुरक्षित बनौँ ।

डाक्टर सिजनको सन्देश

“हामीले देखेका यस्ता घटना समाचारमा सबै आउँदैनन्।
तर हरेक जाडोमा कोइला बालेर सुत्दा
कति परिवार शोकमा डुब्छन्, कसैले गन्दैन।”

याद राखौँ

• बन्द कोठामा कोइला, अंगीठी, ग्यास बालेर कहिल्यै नसुतौँ
• सुत्नुअघि आगो पूर्ण रूपमा निभाऔँ
• सम्भव भएसम्म हावाको निकास हुने व्यवस्था गरौँ
• बच्चा, वृद्ध र बिरामी झनै जोखिममा हुन्छन्

जाडो केही दिनको हो,
ज्यान अमूल्य छ।