बैतडी– नेकपा एमाले निकट पत्रकारहरुको संस्था प्रेस चौतारी नेपाल बैतडीको अध्यक्षमा प्रकाशचन्द्र भट्ट नेतृत्वको ११ सदस्यीय नयाँ कार्यसमिति सर्वसम्मत चयन भएको छ । प्रेस चौतारीको शुक्रबार सम्पन्न सातौं जिल्ला अधिवेशनले भट्टको अध्यक्षतामा नयाँ कार्यसमिति चयन गरेको हो ।
उक्त समितिको उपाध्यक्ष मंगेश दयाल, समावेशी उपाध्यक्षमा राधिका भट्ट, सचिवमा प्रेम ओड, कोषाध्यक्षमा हरिसिंह साउँद, सहसचिवमा डम्बर बोहरा र सरस्वती मडै, चयन भएका हुन् । यस्तै सदस्यहरुमा सुरेन्द्र साउद, मदन राज भट्ट, बसन्ती पन्त र धर्मानन्द बडु निर्वाचित भएका हुन् ।
अधिवेशनले केन्द्रीय प्रतिनिधिमा सिपि लोहिया र भागरथी महरालाई चयन गरेको छ भने प्रदेश प्रतिनिधिमा पार्वती ओड र कृष्ण बिस्टलाई चुनेको छ । अधिवेशन नेकपा एमाले जिल्ला पार्टी कार्यालय मालिका डाँडामा सम्पन्न भएको थियो ।
नव निर्वाचित अध्यक्ष भट्टले पत्रकारहरुको हितमा देखिने गरी काम गर्ने प्रतिवद्धता गर्नुभएको छ ।
