बैतडी – बैतडीमा सशस्त्र प्रहरीले जंगलमा छोडिएको बेवारिसे भरुवा बन्दुक फेला पारेको छ ।
पाटन नगरपालिका–५ मेलौली सडक खण्ड अन्तर्गतको अडतोला जंगलमा बेवारिसे अवस्थामा एक नाल भरुवा बन्दुक, भरुवा बन्दुको नाल, रड र वन्दुकका किलापूर्जा फेला पारेको सशस्त्र प्रहरीबल नेपाल नं. ५१ गुल्म बैतडीका सूचना अधिकारी एवम सशस्त्र प्रहरी निरीक्षक रमेस विष्टले जानकारी दिनु भयो ।
गोप्य सूचनाको अधारमा शनिबार साँझ ८ बजे सशस्त्र प्रहरीबल नेपाल नं. ५१ गुल्म बैतडीबाट खटि गएको मोवाइल गस्ती टोलीले फेला पारेको सशस्त्र प्रहरीले जनाएको छ ।
